Nadzom Fiqh Sunda karya Kyai Juwaini Ibn Abdurrohman
بِسْمِ اللهِ الرَّحْمنِ
الرَّحِيْمِ
DURUS
AL-FIQHIYYAH
ARI
PUJI NU SAMPURNA ETA TETEP
KAGUNGAN
ALLAH NU KAPEURSIFAT LEUNGKEUP
ROHMAT
ALLAH MUGI TETEP SAREUNG SALAM
DI
JEUNG NABI MUHAMMAD MUSTAKA ALAM
WABA’DAHU
IEU ANU DI NADZOMKEUN
KITAB
FIQIH NGARAH REUSEUP NGARAPALKEUN
MUGI
IEU NADZOM SING MANFAAT GEUDE
KANU
NGAWAS KA LALAKI KA AWEWE
MACAM-MACAM
CAI
SAKUR
CAI BIJIL TI BUMI TI LANGIT
MEUNANG
DI PAKE SUSUCI NAJAN PAIT
KAYA
IBUN CI LAUT SUMUR WAHANGAN
HUJAN
BUAH CIBURIYAL JEUNG CIHUJAN
ANGING
LAMUN ETA CAI GEUS DI PAKE
MICEUN
NAJIS HADAS LEUTIK HADAS GEUDE
MAKA
ETA SUCI TAPI TEU NYUCIKEUN
MUN TEU
ROBAH KU NAJIS ANU DI PICEUN
DEUI
CAI ROBAH SABAB KACAMPURAN
BARANG
SUCI KAYA CAI DI EUNTEHAN
HENTEU
JADI NAON-NAON CAI ROBAH
SABAB
CICING ATAWA KAYU DI KULAH
ARI CAI
SAEUTIK MUN KANAJISAN
JADI
NAJIS NAJAN TEU ROBAH TEU NAON
SEJEN
LAMUN CAI GEUDE KANAJISAN
MUN TEU
ROBAH ETA TEU JADI HALANGAN
ARI CAI
KAPANASAN MATA POE
ETA
MAKRUH KANA SALIRA TEU SAE
MAKRUH
SOTEH MUN CAINA MASIH PANAS
DINA
WADAH NU DI PALULIYAN EMAS
DEUI
MAKRUH CAI KACIDA PANASNA
CARA
MAKRUH CAI KACIDA TI ISNA
NGARAN
CAI SAEUTIK NU HENTEU AYA
TILU
RATUS PUNJUL LIMA KATI JAWA
LAMUN
CUKUP BERAT TILU RATUS LIMA
DI
SEBUTNA CAI GEUDE KU ULAMA
LAMUN
WADAH PASAGI SAKATI LEUWIH
SAPARAPAT
ETA CAI GEUDE DEUIH
NAJIS
SAKUR
AEN BIJIL TINA QUBUL DUBUR
ETA
NAJIS LIYAN MANI NU DITUTUR
ANJING
BABI ARAK BANGKE GEUTIH NANAH
BULU
BANGKE TULANG CEKERNA JEUNG UTAH
ANGING
BANGKE JALMA SIMEUT LAUK CAI
ETA
TILU RUPA BANGKE TETEP SUCI
ARI
REUHAK CIDUH LEHO KORONG CILEUH
ETA
LAIN NAJIS TAPI BARANG GEULEUH
ANGGAHOTA
PISAH TINA SASATOAN
ANU
HIRUP HUKUM BANGKE SATO HEWAN
ANGING
BULU SATO HEWAN NU DI DAHAR
JEUNG
CIDUHNA KESANG KASTURI TEU SAMAR
NGABEURSIHKEUN
BARANG ANU NAJIS
SUCI
LAMUN JADI CUKA ETA ARAK
KU SORANGAN
NAJAN DI POE NGAGOLAK
ARI
NGUMBAH NAJIS ANJING SAREUNG BABI
TUJUH
KALI MAKE TANEUH NU SAKALI
ARI
NAJIS SALIYAN ANJING JEUNG BABI
LAMUN
LEUNGIT AEN CUKUP KU SAKALI
TAPI
UTAMANA NGUMBAH TILU KALI
NAJAN
NAJIS LEUNGIT KU NGUMBAH MIMITI
ARI
KULIT BANGKE LIYAN ANJING BABI
KU
DISAMAK ETA KULIT DADI SUCI
ARI
NANAH CENANG BISUL GEUTIH RAHEUT
DI
HAMPURA MUN SAEUTIK DINA SOLAT
DEUI
DIHAMPURA NAJIS LEUTIK PISAN
TEU
KATINGGAL KU TINGALI PERTENGAHAN
ARI
CIKI’IH BUDAK LALAKI ANU
ACAN
UMUR DUA TAHUN TI NGAJURU
SAREUNG
ACAN BARANG DAHAR LAIN SUSU
CUKUP
DI KEPRETAN CAI TEUMPAT WAU
ARI
NAJIS HUKUM CUKUP KU SAKALI
NGALIWATKEUN
CAI KANA TEMPAT TADI
FARDU
WUDU
FARDU
WUDU AYA GENEP SADAYANA
HIJI
NIAT KADUA NGUMBAH BEUNGEUTNA
TILU
NGUMBAH LEUNGEUN DUA JEUNG SUKUNA
OPAT
NGUSAP SAEUTIK TINA SIRAHNA
LIMA
NGUMBAH SUKU DUA NEUPI KANA
MUMUNCANGAN
TARTIB RUKUN KAGENEPNA
NU
NGABATALKEUN KANA WUDU
OPAT
RUPA NGABATALKEUN KANA WUDU
COBA
BILANG KU MANEH ULAH SALIRU
HIJI NU
KALUAR TI SALA SAHIJI
QUBUL
DUBUR NAON BAE LIYAN MANI
KADUANA
LEUNGIT AKAL SABAB EDAN
SABAB
WEUREU SARE SAKALOR JEUNG AYAN
ANGING
JALMA SARE NU RAPEUT BIRITNA
KANA
TEMPAT DIYUK TEU BATAL WUDUNA
KATILUNA
PA ANTEUL KULIT AWEWE
JEUNG
LALAKI DUANANA PADA GEUDE
BATAL
SOTEH ANTEUL JEUNG LAIN MAHROMNA
SARTA
TEU MAKE HAHALANG ANTARANA
KAOPATNA
NYABAK QUBUL SAREUNG DUBUR
BANGSA
JALMA KU DAMPAL LENGEN DI LAGAR
FARDU
ADUS
FARDU
ADUS AYA DUA MASING AWAS
HIJI
NIAT DINA HATE MICEUN HADAS
DUA
NGARATAKEUN CAI KANA BADAN
ANU
DZOHIR SAREUNG BUUK WALATRAAN
SARAT
KANA ADUS
ARI
SARAT WUDU SAREUNG SARAT MANDI
ETA AYA
SAPULUH TEU KIRANG DEUI
HIJI
ISLAM DUA TAMYIZ TILU SUCI
TINA
NIFAS SAREUNG HED MUNGGUH DI ISTRI
OPAT
ULAH AYA BARANG ANU NYEGAH
DATANG
CAI KANA KULIT KAYA GETAH
LIMA
ULAH AYA BARANG NU NGAROBAH
KANA
CAI DINA TEMPAT NU DI KUMBAH
GENEP
NYAHO KANA KAFARDUAN NANA
TUJUH
ULAH NEKADKEUN SUNNAH NGUMBAHNA
KADALAPAN
CAINA ANU NYUCIKEUN
SAREUNG
ANU DUA DEUI DI TANGTUKEUN
DI
JALMA NU LANGGEUNG HADAS ETA TANGTU
HIJI
TULUY-TULUY DUA MANJING WAKTU
HAROM
KA JALMA BOGA HADAS LEUTIK JEUNG GEUDE
SAHA
JALMA BATAL WUDU MAKA HAROM
OPAT
RUPA HIJI SOLAT COBA FAHAM
DUA
TOWAF KA TILUNA NYABAK QUR’AN
NAJAN
TULISAN SA AYAT DINA PAPAN
OPAT
MAWA QURAN ANGING DI WEUNANGKEUN
DINA
BARANG ULAH NIAT MAWA QURAN
HARAM
KA JALMA NU JUNUB GENEP RUPA
ARI ANU
OPAT TADI JANGAN LUPA
LIMA
CICING DI MASJID ANGING DI PIPIR
GENEP
MACA QURAN ANGING NIAT DZIKIR
ARI
PAHAROMAN SABAB HED JEUNG NIFAS
SAPULUH
GENEP NU TADI JANGAN WAS-WAS
TUJUH
PUASA JEUNG TOLAK KADALAPAN
ARI
NGALIWAT KA MASJID KASALAPAN
HARAM
LIWAT LAMUN GETIH SIEUN NGEUCRET
UKUR
MAKRUH LAMUN AMAN URAT ARET
SAPULUH
DI ALAP SUKA ANTARANA
TUUR
BUJUR NAJAN TEU AYA SYAHWATNA
HED
JEUNG NIFAS
ARI
KADAR HED ANU PANG SAEUTIKNA
KADAR
SAPOE SA PEUTING KALUARNA
ARI
GHOLIBNA GENEP ATAWA TUJUH
NAJAN
KALUARNA GETIH HEUNTEU PUGUH
LIMA
BELAS DINTEUN ZAMAN PANG SEU’EURNA
NAJAN
SAJAM UNGGAL DINTEUN KALUARNA
SUCI
ANTARA DUA HED SAEUTIKNA
LIMA
BELAS DINTEN SINAREUNG WEUNGINA
ARI DUA
PULUH TILU ATANAPI
DUA
PULUH OPAT GHOLIBNA DI ISTRI
ARI
SEU’UERNA SUCI TEU DI ANGGEURAN
SOK AYA
ISTRI SA UMUR TEU KOTORAN
LAMUN
DATANG HADAS SANGGEUS MANJING WAKTU
ANU
MAHI KEUR SOLAT NU BOGA WAKTU
HALNA
TACAN SOLAT DINA WAKTU ETA
MAKA
WAJIB QODO SOLAT NU HARITA
LAMUN
LEUNGIT MANI MAKA WAJIB MANDI
NAJAN
TACAN KANA GHOLIB SUCI
LAMUN
WAKTU AYA KENEH TEURUS SOLAT
MUN TEU
AYA TERUS QODO KADE LEUPAT
NAJAN
ETA WAKTU SOLAT NGAN SAKADAR
ZAMAN
TAKBIROTUL IHROM TEU DITILAR
SARTA
WAJIB QODO ANU SAMEMEHNA
SOLAT
WAKTU ANU DI JAMA’KEUN NANA
KAYA
SUCI WAKTU ISA SAREUNG ASAR
MAKA
WAJIB QODO MAGRIB SAREUNG LOHOR
ARI
SALIYANTI ETA KAYA SUCI
WAKTU
SUBUH QODO SUBUH BAE HIJI
ARI
SAEUTIKNA KADAR ZAMAN NIFAS
ETA
SAKEUCROTAN GETIH HENTEU TEURAS
ARI
GHOLIB NIFAS OPAT PULUH DINTEUN
PANG
SEU’EURNA ZAMAN GENEP PULUH DINTEUN
SYARAT
WAJIB SOLAT
SARAT
WAJIB SOLAT GENEP MASING APAL
HIJI
ISLAM DUA BALIGH TILU AKAL
OPAT
BOGA RUNGU KALIMA NINGALI
GENEP
KADATANGAN PANGAJAK TI NABI
SYARAT
SAH SOLAT
SARAT
SAHNA SOLAT DALAPAN PERKARA
HIJI
KUDU SUCI TINA HADAS DUA
DUA
SUCI TINA NAJIS DINA BADAN
DINA
TEMPAT SAREUNG DINA PAPAKEAN
TILU
TUTUP AURAT OPAT MADEUP KIBLAT
LIMA
KUDU GEUS MANJING WAKTUNA SOLAT
GENEP
NYAHO KANA KAFARDUAN NANA
TUJUH
ULAH NEKADKEUN SUNNAH FARDUNA
KADALAPAN
NGAJAUHAN SAKABEHNA
NU
NGABATALKEUN KANA SOLAT MANEHNA
HADAS
ARI
HADAS LEUTIK MANA-MANA BARANG
ANU NGABATALKEUN
KANA WUDU URANG
ARI ANU
NGAWAJIBKEUN KANA MANDI
HADAS
GEUDE JUMLAH DUA SAREUNG TADI
AURAT
ARI
AURAT LALAKI ANTARA TUUR
SAREUNG
BUJAL KEUR SOLAT NALIKA UDAR
ARI
AURAT AWEWE ANU DI BEULI
DINA
SOLATNA AURAT CARA LALAKI
AURAT
AWEWE MERDEKA DINA SOLAT
KABEH
BADAN SALIAN LENGEN JEUNG BENGET
ARI
LUAR SOLAT JEUNG LALAKI SEJEN
KABEH
BADAN NAJAN KUKU PANGEUREUTAN
ARI
SAREUNG MAHROM SAREUNG PADA ISTRI
ANTARA
TUUR JEUNG BUJAL HEY GI SANTRI
ARI
SAREUNG CAROGENA HENTEU AYA
ANU
AURAT SUMANGGA SADAYA-DAYA
RUKUN
SOLAT
RUKUN
SOLAT TUJUH BELAS HIJI NIAT
DINA
HATE NEUJA FARDU ETA SOLAT
DUA
TAKBIROTUL IHROM NU KATILU
NANGTUNG
KA JALMA KAWASA DINA FARDU
OPAT
MACA FATIHAH KALIMA RUKU
GENEP
TUMA’NIAH DINA WAKTU RUKU
TUJUH
I’TIDAL DALAPAN TUMA’NIAH
DINA
ETA I’TIDALNA MASING RINEUH
KASALAPAN
SUJUD DUA KASAPULUH
DINA
ETA SUJUD DUA TUMA’NIAH
KASABELAS
DIYUK DINA ANTARANA
SUJUD
DUA RUKUN KADUA BELASNA
TUMA’NIAH
DINA DIYUK ANU TADI
TILU
BELAS TAHIYYAT ANU PANDEURI
OPAT
BELAS DIYUK TAHIYYAT PANDEURI
LIMA
BELAS MACA SOLAWAT KA NABI
GENEP
BELAS AWEH SALAM NU MIMITI
TUJUH
BELAS TARTIB RUKUN ANU TADI
NIAT
ARI
NIAT ETA NEUJA HATE URANG
BEUBARENGAN
SAREUNG PRAKNA GAWE BARANG
ARI
PANGKAT NIAT ETA AYA TILU
HIJI
NIAT LAMUN DINA SOLAT FARDU
MAKA
WAJIB QOSDU TA’YIN SAREUNG FARDU
KAYA NGUCAP
USOLLI FARDOL MAGHRIBU
LAMUN
SOLAT DINA ANU NGABOGAAN
WAKTU
SAREUNG SABAB WAJIB QOSDU TA’YIN
LAMUN
DINA SOLAT MUTLAK MAKA WAJIB
QOSDU
WUNGKUL JABI TI ETA TEU WAJIB
TAKBIROTUL
IHROM
SARAT
TAKBIROTUL IHROM ETA AYA
GENEP
BELAS SARAT TEU KENGING TEU AYA
HIJI
PRAKNA KUDU SANGGEUS NANGTUNG BENER
LAMUN
SOLAT FARDU SAREUNG TAYA UDZUR
DUA
KUDU BASA ARAB LAMUN BISA
TILU
KUDU LAFAD ALLAH NU KAWASA
OPAT
KUDU LAFAD AKBAR KALIMANA
KUDU
TARTIB ETA LAFAD DUA NANA
GENEP
ULAH PANJANG HAMZAH LAFAD ALLAH
BA’NA
LAFAD AKBAR TONG PANJANG KA TUJUH
KADALAPAN
BA’NA ULAH DI TASYDIDAN
ULAH
TAMBAH WAWU ETA KASALAPAN
ANTARA
KALIMAT DUA KASAPULUH
ULAH
TAMBAH WAWU MEMEH LAFAD ALLAH
KASABELAS
SADAYANA HURUF TAKBIR
SING
KADANGU KU AWAK NU BOGA TAKBIR
OPAT
BELAS KUDU SANGGEUS MANJING WAKTU
LAMUN
DINA SOLAT NU DI WAKTU-WAKTU
OPAT
BELAS PRAKNA TAKBIR DINA TINGKAH
SANGGEUS
URANG NYANGHAREUP KA BAITULLAH
LIMA
BELAS ULAH NGARUKSAK AKSARA
ATAWA
PATUKEUR DEUI JEUNG AKSARA
KAGENEP
BELAS ARI TAKBIRNA MA’MUM
ETA
KUDU PANDEURIEUN TAKBIR IMAM
SARAT
FATIHAH
SARAT
FATIHAH SAPULUH SADAYANA
HIJI
TARTIB TULUY-TULUY KADUANA
KATILUNA
NGARAKSA HURUF FATIHAH
OPAT
NGARAKSA TASYDIDNA ULAH SALAH
KALIMANA
ULAH REPEH ANU LILA
GENEP
ULAH REPEH ANU HENTEU LILA
ANU
NEUJA MEUGATKEUN BACAAN NANA
TUJUH
KUDU MACA SADAYA AYATNA
KADALAPAN
ULAH NGARUKSAK AKSARA
SAREUNG
BARIS ANU MATAK ROBAH MA’NA
KASALAPAN
MACA FATIHAHNA KUDU
SANGGEUS
NANGTUNG LAMUN DINA SOLAT FARDU
SAREUNG
MACA SAKABEH HURUF FATIHAH
SING
KADENGE KU AWAKNA KASAPULUH
SAREUNG
ULAH KASEULANG KU DZIKIR LAIN
ANGING
AMIN IMAM NU NGAMIMITIYAN
TASYDID
FATIHAH
OPAT
BELAS ETA TASYDIDNA FATIHAH
HIJI
DILUHUREUN LAMNA LAFAD ALLAH
DUA
TILU LUHUREUN RO’ ROHMAN ROHIM
OPAT
LUHUREUN LAMNA LILLAHIL ADZIM
LIMA
LUHUREUN BA’NA ROBBIL ‘ALAMIN
GENEP
TUJUH DINA RO’NA ROHMAN ROHIM
LUHUREUN
DAL YAUMIDDIN NU KADALAPAN
DINA
IYYAKA NA’BUDU KASALAPAN
DINA
IYYAKA NASTA’IN SAPULUHNA
DINA
SHIROTOL MUSTAQOM SABELASNA
OPAT
BELAS DI LUHUREUN LAFAD DOLLIN
ARI
NGAJI ULAH KAGEMLANG KU ULIN
SYARAT
SUJUD
ARI
SARAT SUJUD ETA AYA TUJUH
HIJI SUJUD
DINA ANGGAHOTA TUJUH
HIJI
TARANG SAREUNG DAMPAL SUKU DUA
TU’UR
DUA SAREUNG DAMPAL LEUNGEUN DUA
KADUANA
TARANG ULAH KATUTUPAN
TILU
SABEURATNA SIRAH TONG DI TAHAN
KAOPATNA
PANGTURUNAN ULAH AYA
MAKSUD
SEJEN NU SALIYAN TI SUJUDNA
LIMA
ULAH SUJUD KANA HIJI BARANG
ANU
TEUPUNG NU GEURAK MILU JEUNG URANG
GENEP
BIRIT KUDU LUHUR BATAN SIRAH
KATUJUHNA
SARAT SUJUD TUMA’NINAH
TASYDID
TAHIYYAT
ARI
TASYDIDNA TAHIYYAT NU SAMPURNA
ETA DUA
PULUH HIJI SADAYANA
ARI
TASYDIDNA ATTAHIYYATU ETA
DINA
LUHUREUN YA SAREUNG LUHUREUN TA
SAREUNG
LUHUREUN SHODNA ASSOLAWATU
LUHUREUN
THO SAREUNG YA ATTOYYIBATU
LILLAHI
TASYDIDNA DI LUHUREUN EU’LAM
LUHUREUN
SIN ARI TASYDIDNA ASSALAM
‘ALAIKA
AYYUHAN NABIYYU TASYDIDNA
LUHUREUN
YA EU’NUN SAREUNG YA AKHIRNA
WAROHMATULLAHI
ETA LUHUREUN LAM
LUHUREUN
SIN WABAROKATUHUSSALAM
SAREUNG
LUHUREUN LAMNA ‘IBADILLAHI
ASSOLIHINA
LUHUREUN SHOD YA AKHI
ANNA
MUHAMMADAR ROSULULLAHI
LUHUREUN
NUN EU’MIM RO LAM ALLAHI
WAKTU
SOLAT
MAKA
WAJIB DIMANA GEUS MANJING WAKTU
GAWE
SOLAT ATAWA NIAT NU TANGTU
REK MIGAWE
SOLAT DINA JERO WAKTU
JADI
DOSA LAMUN URANG HENTEU KITU
ARI
MIMITINA AYA WAKTU DZUHUR
ETA
LINGSIR MATA POE ANU LUHUR
ARI
AKHIRNA LAMUN KALANGKANG URANG
EUNGGEUS
SARUA SAREUNG ADEUGAN URANG
ARI
SE’EP WAKTU DUHUR MANGKA DONGKAP
WAKTU
ASAR HINGGA MATA POE SURUP
AWAL
MAGHRIB ETA SURUP MATA POE
HINGGA
SURUP MEGA BEUREUM ANU SAE
SE’EP
MAGRIB DONGKAP DEUI WAKTU ISA
HINGGA
SURUP MEGA BEUREUM NU BIYASA
SE’EP
ISA DONGKAP DEUI WAKTU SUBUH
HINGGA
BIJIL MATA POE ANU TEUGUH
WAKTU ANU HARAM DIPAKE SOLAT
HARAM
SOLATDINA JERO LIMA WAKTU
LAMUN
HENTEU AYA SABAB ANU TANGTU
HIJI
WAKTU MATA POE KEUR BIJILNA
SAHINGGA
SA KADAR SATUMBAK LUHURNA
DUA
WAKTU TENGAH-TENGAH LEUNGIT PISAN
SALIYAN
JUMAT HINGGA MANGKOL KA KULON
KATILUNA
REK SURUP LAYUNG NU SAE
HINGGA
SURUP PISAN ETA MATA POE
OPAT
BADA SOLAT SUBUH KALIMANA
BADA
SOLAT ASAR ETA SAMPURNANA
RUKUN
ANU KUDU TUMA’NINAH
ARI
RUKUN ANU KUDU TUMA’NIAH
ETA
OPAT HIJI RUKU’ ULAH SALAH
KADUANA
I’TIDAL KATILU DINA
SUJUD
OPAT DINA DIYUK ANTARANA
ANU
NGABATALKEUN SOLAT
ARI ANU
NGABATALKEUN KANA SOLAT
OPAT
BELAS HIJI HADAS KADE LEUPAT
DUA
KATIBANAN NAJIS MUN TEU TERUS
DI
RAGRAGKEUN TINA BADAN SARTA MULUS
TILU
KABUKA AURAT MUN TEU DI TUTUP
BURU-BURU
OPAT NGUCAP DUA HURUP
ATAWA
HIJI HURUP AYA HARTIAN
KAYA
NGUCAPKEUN SA MAKSUD NGAGEUNIHAN
BATAL
DEUI KU NGADEHEM ANGING LAMUN
AYA
UDZUR NGUNIKEUN NU JADI RUKUN
KALIMANA
NGAHAJA MIGAWE BARANG
NU
MATAK BATAL KANA PUASA URANG
KA
GENEPNA DAHAR SEU’EUR NAJAN LALI
TUJUH
TILU KALI USIK NULI-NULI
KADALAPAN
LONCAT SAREUNG SABANGSANA
KASALAPAN
NINGGAL TARIK JEUNG MISALNA
KASAPULUH
NAMBAH RUKUN ANU BANGSA
PAGAWEAN
TUR NGAHAJA TEU KAPAKSA
KASABELAS
MIHEULAAN KA IMAMNA
DUA
RUKUN BANGSA PAGAWEAN NANA
ATAWA
MANDEURIKEUN MANEH TI IMAM
ANGING
UDUR TEU BISA NUTURKEUN IMAM
DUA
BELAS NIAT MEUGATKEUN SOLATNA
KATILU
BELAS GANTUNG PEUGAT SOLATNA
OPAT
BELAS MINDEUR-MINDEUR REK MEUGATKEUN
KANA
SOLATNA MANA NU DI TETEPKEUN
SUNNAH
AB’AD
ARI
SUNAH AB’AD TTUJUH SADAYANA
HIJI
TAHIYYAT AWAL DUA LUNGGUHNA
MACA
SOLAWAT KA NABI KATILUNA
DINA
JERO TAHIYYAT ANU AWALNA
SOLAWAT
KA KULAWARGA OPATNA
DINA
JERO TAHIYYAT NU PANDEURINA
LIMA
MACA QUNUT DINA SABAN DINTEUN
GENEP
QUNUT WITIR SAPARO ROMADON
TUJUH
MACA SOLAWAT KA KANJENG NABI
DINA
QUNUT KA SOHABAT KANJEUNG NABI
PASUNATAN
MEMEH JEUNG JERO SOLAT
ARI
PASUNATAN DINA MEMEH SOLAT
AYA DUA
HIJI ADZAN DUA QOMAT
SAREUNG
DUA SUNNAH DINA JERO SOLAT
HIJI
TAHIYYAT AWAL KADUA QUNUT
BILANGAN
ROKAAT FARDU JEUNG LIANNA
DINA
SAPOE SAPEUTING ROKAATNA
SOLAT
FARDU TUJUH BELAS SAJUMLAHNA
SAREUNG
TILU PULUH SUJUD LANGKUNG OPAT
JEUNG
SALAPAN PULUH TAKBIR LANGKUNG OPAT
JEUNG
SAPULUH SALAM TAHIYYAT SALAPAN
SARATUS
LIMA PULUH TILUS TASBIHAN
ARI
RUKUN DINA LIMA WAKTU SOLAT
DUA
RATUS TILU PULUH PUNJUL OPAT
ARI
DZUHUR ASAR ISA BANGSA OPAT
RUKUN
HIJI WAKTU LIMA PULUH OPAT
MARGI
HIJI ROKAATNA DUA BELAS
RUKUN
ANU BULAK-BALIK MASING AWAS
TAMBAH
GENEP NIAT TAKBIROTUL IHROM
LUNGGUH
AKHIR TAHIYYAT SOLAWAT SALAM
KAWASA-KASAWANA
DINA SOLAT
SAHA
ANU TEU KAWASA KANA NANGTUNG
MAKA
SOLAT BARI DIYUK SAMI UNTUNG
LAMUN
TEU KAWASA DIYUK MAKA SOLAT
BARI
NGADEUG NYANGIGIR NYANGHAREUP QIBLAT
TEU
KAWASA NYANGIGIR NANGKARAK SOLAT
SARTA
KEUDAH GANJEUL SAREUNG NUNJANG QIBLAT
APEUS
KENEH MAKA SOLAT KU ISARAT
SAREUNG
NIAT MASING LEUMPAT DINA MANAH
TEU
KAWASA KU ISYARAT TRUS JALANKEUN
RUKUN
SOLAT DINA HATE DI JENTREKEUN
HENTEU
DI HAMPURA JALMA NINGGAL SOLAT
SATUNGTUNG
AKALNA BENER MASIH INGET
RUPA-RUPA
NU DI TINGGALKEUN DINA SOLAT
TILU
RUPA DI TINGGALKEUN DINA SOLAT
HIJI
FARDU DUA SUNNAH JEUNG HAY’AT
LAMUN
TINGGAL HIJI FARDU NAJAN LALI
ETA
HENTEU KATAMBAL KU SUJUD SAHWI
LAMUN
DEUKEUT KENEH WAJIB BALIK DEUI
KANA
FARDU MAKE TAMBAH SUJUD SAHWI
ARI
SUNNAH NTONG BALIK SANGGEUS URANG
GAWE
FARDU TAPI SUJUD NAMBAL KURANG
ARI
SUNNAH HAY’AT TEU KITU KIEU
NTONG
SUJUD NTONG BALIK KANU BIEU
SAHA
ANU MANGMANG DINA ROKAATNA
KUDU
NYOKOT BILANGAN PANG SAEUTIKNA
PAMI
SUBUH ASA DUA ASA HIJI
WAJIB
NAMBAH SARTA SUNNAH SUJUD SAHWI
PAMAKRUHAN
SOLAT
SEU’UER
PISAN PAMAKRUHAN DINA SOLAT
SAWAREHNA
NGALIYEUK TEU AYA HAJAT
KAYA
NGALIYEUK BARANGNA SIEUN LEUNGIT
SARTA
MAKRUH KEUR SOLAT TANGGAH KA LANGIT
MALAHAN
DAWUHAN MUTAWALI
NGALIEUK
TEH HARAM SAREUNG HUMAILI
SAREUNG
NUMUTKEUN QOULNA SEKH ADZRO’I
TANGGAH
KA LUHUR GE HARAM CARA TADI
MAKRUH
DEUI KU PANON MERE ISYARAT
ATAWA
KU BIWIR LAMUN TAYA HAJAT
SAREUNG
BEUDAS DINA TEMPAT ANU KENDOR
SAREUNG
SABALIKNA LAMUN AYA UDZUR
SAREUNG
MAKRUH NULAK CANGKENG TAYA UDZUR
MARGI
ETA KALAKUAN NU TAKABUR
SAREUNG
MAKRUH SOLAT GANCANG PORAT PARET
RUKUN
OGE HAMPIR AYA NU KALIWAT
SAREUNG
MAKRUH PEUREUM MUN EUNGGEUS CILAKA
HENTEU
MAKRUH MUN TEU INGGIS AYA ETA
TAPI LAMUN
AYA GAMBAR DINA TEMPAT
PANG
SOLATAN ETA PEREM JADI SUNAT
DINA
RUKU DINA SUJUD MAKRUH DEUI
RAPEUT
BETEUNG KANA PINGGIR DI LALAKI
SAREUNG
NGARAPEUTKEUN PEUPEUTEUYAN NANA
DINA
GIGIR DINA RUKU JEUNG SUJUDNA
SAREUNG
MAKRUH LUNGGUH CARA ANJING DIUK
SAREUNG
SUJUD CARA GAOK MACOK LAUK
SUJUD
CARA SINGA DEUPA ETA MAKRUH
SAREUNG
DINA RUKU’ HANDAP TEUING S
SAREUNG
MAKRUH MANJANGKEUN TAHIYAT AWAL
SALIYAN
MA’MUM KAJEUN SOLAWAT KAMAL
SAREUNG
MAKRUH NYORAKEUN RAMO LEUNGEUNNA
JEUNG
NGUYUPUK LALEUR TEIUNG DI SAMARNA
SAREUNG
MAKRUH NYIDUH KA HAREUPEUN NANA
JEUNG
KATUHU HENTEU MAKRUH KENCANANANA
LAMUN
NYIDUH DI MASJID SING ATI-ATI
BISI
NGEUCRET KANA TEMPAT ANU SUCI
SAREUNG
MAKRUH NEUKEUNKEUN SABEULAH SUKU
DINA
NANGTUNG KENCA ATAWA KATUHU
SARENG
MAKRUH SOLAT BARI NAHAN HADAS
KI’IH
NGISING ATANAPI NAHAN BOBOS
SAREUNG
MAKRUH MUN GEUS HADIR KADAHARAN
SAREUNG
LAPAR JEUNG MAKRUH BUBUDUGULAN
SAREUNG
MAKRUH MAKE BEUBEUR DINA CANGKENG
ANGING
LAMUN DI PAKE MAGEUHAN SAMPING
PUASA
WAJIB
KANU ISLAM SABAN-SABAN TAUN
TUR
MUKALLAF PUASA BULAN ROMADON
JADI
JUMLAH SARAT WAJIB SIYAM OPAT
HIJI
ISLAM AKAL BALIGH SAREUNG KUAT
ARI
FARDU SAREUNG RUKUN SIYAM OPAT
ARI
RUKUN KAHIJI NYAETA NIAT
KADUANA
NANGTUKEUN NIAT PUASA
SABAN
PEUTING POE ISUK REK PUASA
REK
NEUKANAN PUASA FARDU ROMADON
ATAWA
NEUKANAN ANU DI NADZARKEUN
KATILUNA
NAHAN TINA DAHAR LEU’EUT
TINA
JIMA’ TINA UTAH KADE LEUPAT
OPAT
NYAHO MIMITI JEUNG PANUNGTUNGAN
ULAH
NIAT JEUNG BUKA SATABRANG-TABRANG
ANU
NGABATALKEUN PUASA SAPULUH
MASING
APAL NGARAH JADI JALMA TEGUH
HIJI
AEN ANU NEUPI KANA BEUTEUNG
NAJAN
LEUTIK SARTA DI HAJA KU URANG
ATAWA
KA JEURO TI KORO JEUNG SIRAH
HENTEU
BATAL NEURE CIDUH NU BEUREUSIH
JEUNG
TEU BATAL ASUP AEN KANA BEUTEUNG
TEU DI
HAJA ATAWA DI PAKSA URANG
JEUNG
TEU BATAL KEUBUL PANGAYAKAN TIPUNG
JEUNG
KATALANJURAN CAI KANA IRUNG
LAMUN
HENTEU BANGEUT DINA KEUKEUMUNA
SAREUNG
NYINGSREUK CAI KA JERO IRUNGNA
DUA
HUKNAH HARTINA NGASUPKEUN UBAR
TINA
SALAH SAHIJINA QUBUL DUBUR
ATAWA
NGASUPKEUN TUNG-TUNG RAMO KANA
QUBUL
DUBUR DINA WAKTU ISTINJA
DINA
QODO HAJAT SAREUNG ISTINJANA
MASING
BISA PISAN URANG NGARAKSANA
KATILUNA
NGAHAJA UTAH TUR ELING
NAJAN
TAYA NU BIJIL TI JEURO BEUTEUNG
OPAT
WANI NGAHAJA LIWAT HASAFAH
LIMA
NGALUARKEUN MANI KADE SALAH
GENEP
NIFAS TUJUH HED DALAPAN EDAN
MURTAD
NA’UDZUBILLAH MINHU SALAPAN
KASAPULUH
NGAJURU NU MATAK BATAL
KANA
PUASA URANG ETA SING APAL
ARI ANU
SUNAH DINA BAB PUASA
ETA
SEU’UER MANEH ULAH ASA-ASA
HIJI
EUNGGEUS YAKIN SURUP MATA POE
GANCANG
BUKA LAMUN MANG-MANG TUNGGU BAE
NEUPI
KA YAKINA MATA POE SURUP
TULUY
BUKA SUPAYA PUASA CUKUP
LAMUN AYA
SUNNAH BUKA MAKE KURMA
MUN TEU
AYA KU CAI ATAH GE SAMA
DUA
SUNNAH NGAKHIRKEUN SAHUR TAPINA
ULAH
NEUPI KA MANG-MANG DINA SAHURNA
TILU
SUNNAH ULAH NGOMONGKEUN NU ALA
KAYA
NGUPAT NGADU-NGADU LAMPAH CEULA
SAREUNG
SUNAH NYULAYAAN KAHAYANGNA
SAHWAT
URANG SINAREUNG HAWA NAFSUNA
SAREUNG
SUNNAH LAMUN BOGA HADAS GEUDE
KUDU
ADUS TI PEUTINGNA AGE-AGE
SAREUNG
SUNNAH MACA QUR’AN MASING RASA
JEUNG
NGADU’A SABA’DA BUKA PUASA
SAREUNG
SUNNAH I’TIKAFNA MASING SEU’EUR
MUDAH-MUDAHAN
HASIL LAYLATUL QODAR
SAREUNG
SUNNAH NGAROWAKEUN KASAEAN
SAREUNG
NYEUGAH TINA LAMPAH KAKUSUTAN
HAJI
DI
WAJIBKEUN MUNGGAH HAJI KA BAITULLAH
DINA
SAUMUR SA KALI KANU MAMPUH
MAKA
LAMUN SANGGEUS MAMPU POT UMURNA
MAKA
JADI WAJIB DI HAJIKEUN NANA
ARI
RUKUN HAJI LIMA KADE SALAH
HIJI
IHROM KADUA WUKUF DI AROFAH
KATILUNA
RUKUN TOWAF DI BAITULLAH
OPAT
SA’I ANTARA SOFA JEUNG MARWAH
KALIMA
NGAGUNTING ATAWA DI CUKUR
TINA
RAMBUT SIRAHNA SING LOBA SYUKUR
IEU
LIMA SALIAN WUKUF AROFAH
TINGGAL
OPAT JADI RUKUN TINA UMROH
IEU
RUKUN-RUKUN HAJI JEUNG UMROHNA
ETA AYA
SARATNA SAREUNG FARDUNA
MAKA
WAJIB SADAYANA DI HARTOSKEUN
KU
SUGEURNING ANU BADE NGALAMPAHKEUN
SAREUNG
HARAM KANU IHROM SEUSEUNGITAN
SAREUNG
HARAM SIRAH JENGGOT DI MINYAKAN
MICEUN
KUKU MICEUN BU’UK SAREUNG JIMA
AKAD
NIKAH SAREUNG MUQODDIMAH JIMA
SAREUNG
MORO BOBORUAN TANAH DARAT
NU DI
DAHAR HENTEU HARAM SATO LAUT
SAREUNG
HARAM LALAKI NUTUP SIRAHNA
SAREUNG
HARAM KA ISTRI NUTUP RARAYNA
SAREUNG
SARUNG TANGAN SAREUNG HARAM DEUI
ANU
NYARUNG KAYA KUMIS DI LALAKI
MAKA
SAHA NU MIGAWE PAHARAMAN
MAKA
DOSA JEUNG WAJIB DI KIPARATAN
ARI
JIMA JABA HARAM NGARUKSAKEUN
KANA
HAJI SAREUNG WAJIB DI QODOAN
SAREUNG
WAJIB DINA TAUN SABA’DANA
SAREUNG
WAJIB KIFARAT GEUDE NGARANNA
SAREUNG
WAJIB IHROM HAJI SAREUNG UMROH
TINA
MIQOT SAREUNG NGINEUP MUZDALIPAH
SAREUNG
NGINEUP DI MINA SAREUNG NGABALANG
JUMROTUL
‘AQOBAH POENAN RAYAGUNG
SAREUNG
NGABALANG JUMROH TILUAN NANA
DINA
POE TASYRIK JEUNG TOWAF WADA’NA
SAREUNG
HARAM BOBORAN TANAH HARAM
SAREUNG
JUJUKUTAN NANA KANU IHROM
SAREUNG
KANU HENTEU IHROM OGE HARAM
JUKUTNA
JENG BOBOROAN TANAH HARAM
SAREUNG
TAMBAH GANGGU DI TANAHNA MEKAH
KANA
BOROAN JEUNG JUKUT WAJIB NYEGAH
LAMUN
URANG REK MIGAWE HIJI BARANG
WAJIBKEUN
HEULA ILMUNA MASING TEURANG
SABAB
GUSTI ALLAH NGAWAJIBKEUN NANA
ETA
PASTI NGAWANGKU SARAT RUKUNNA
SAREUNG
WAJIB MARENTAH SAREUNG MEUNEURKEUN
KA
JALMA NU TINGGAL SARAT SAREUNG RUKUN
LAMUN
TEU JADI FITNAH WAJIB MAKSANA
LAMUN
MATAK FITNAH WAJIB NGAINGKARNA
SAREUNG
DI SARATKEUN SADAYANA AMAL
KEUDAH
IHLAS KARNA ALLAH ‘AZZA WAJAL
SAREUNG
KADAHARAN URANG KEUDAH HALAL
SAREUNG
PANGANGGONA MUN TEU KITU GAGAL
SRAEUNG
WAJIB SADAYANA NGARAKSANA
ANGGAHOTA
URANG TINA LAMPAH DOSA
MARGI
AGAMA TEH DUA KALAKUAN
HIJI
TO’AT DUA NINGKAHAN CEUGAHAN
SAKIEU
KEUR ILMU FIQIH ATOS CEUKAP
PIKEN
JALAN IBADAHNA ANU HANDAP
SAPEURTOS
JISIMNA ABDI ANU DO’IF
ANU
PAMEUNDAKNA SA KALANGKUNG DO’IF
PENUTUP
NUMAWI
IEU NADZOM FIQIH DI CEUTAK
TAYA
SANES KU INSOF PARA SADEREK
SAREUNG
MURID SADAYANA KOLOT BUDAK
SANAOS
GEUS TILAR DUNYA NU GADUH HAJAT
MALAH
MANDAR JENTEUN TAMBAH MANFAATNA
KANU
NUQIL SAREUNG KANU NGARAOSNA
KITU DEUI
KA SUGRI PARA ULAMA
MUGI
KEURSA NGALEUREUSKEUN NU LEUPATNA
DI
WUWUHAN KU PANG DUA’ TI MURIDIN
SAKUR
NU NGAOS NALIKA MAOS AMIN
MUGI-MUGI
GUSTI ALLAH NGAHAMPURA
KA GURU
SIM KURING NU MULIH NGUMBARA
SAMULIHNA
TI DUNYA KA ROHMATULLAH
MUGI DI
JEUMBARKEUN TEUMPATNA NU INDAH
KHUSUSNA
MAH KANU KAGUNGAN KARANGAN
AJEUNGAN
JUWAINI IBNI
ABDIR ROHMAN
Komentar
Posting Komentar